Үнэт эдлэл бүрийг хөдлөсөн ч бие биетэйгээ харшилдахааргүй, гинжнүүдийг орооцолдуулахгүй тасалгаатай сав, хайрцагт тус тусад нь хийж, даавуун дотортой эрдэнэсийн хайрцагнуудад хадгалах нь хамгийн сайн сонголт юм.
Та доор дурдсан зөвлөмжүүдийг тогтмол хэрэгжүүлж байгаарай
- Хатгадаг хатгууртай ээмэг хадгалахдаа зориулалтын хайрцагт нь хатгаж хадгалах нь алга болох, хатгуур хэв алдахаас сэргийлнэ.
- Нүүрээ будсаныхаа дараа үнэт эдлэлээ зүүж байгаарай. Үсний лак, үнэртэй ус, лосьон гэх мэт гоо сайхны бүтээгдэхүүн нь үнэт эдлэлийг сэвтээж, өнгө чанарыг нь алдагдуулдаг.
- Орой унтах, үсээ угаах, усанд орохдоо авч хэвших.
- Битүү орчинд хадгаласан үнэт эдлэл /сорьц багатай монет 375, 333, мөн мөнгөн эдлэл/ удахаараа харлаж өнгөө алддаг. Иймд агаарын солилцоо сайн чийггүй, хуурай орчинд хадгалвал нэн тохиромжтой.
- Алт, мөнгөн эдлэлүүдийг хамт хадгалахад алтан эдлэлийн өнгө хувирдаг тул тусдаа хадгалах нь зохимжтой.